Ginlutos sang Myanmar ang Philippine men’s football team, 4-1, sa imbukada nga hampang sa ASEAN Championship sa New Clark City Stadium sa Capas, Tarlac kagab-i.
Naka-brace ukon duha ka goals para sa Myamar si Than Paing kag naka-score man sanday Kyaw Min Oo kag Win Naing Tun.
Ang isahanon naman nga goal sang Pilipinas ang nahimo ni Jarvey Gayoso.
Ini ang una nga home loss sang Pilipinas sa internasyonal nga kompetisyon halin sang mapierde ini sang Iran sa 2026 FIFA World Cup qualifiers duha ka tuig ang nagligad.
Sunod nga atubangon sang Pilipinas ang Laos sa Sabado sa kapital nga Vientiane sa diin kinahanglan nila ang kadalag-an agud mabuhi ang ila paglaum nga makasulod sa knockout stage.
