Nabutang sa alang-alang ang paglaum sang Philippine men’s national football team nga makaabante sa knockout stage sang ASEAN Championship.
Ini matapos ginlutos sang powerhouse team nga Thailand, 1-0, sa ila hampang sa Group B sa New Clark City Stadium.
Isahanon nga naka-goal sa hampang si Waris Choolthong sang Thailand paagi sa iya header sa ika-84 nga minuto. Bangud sini, nagsaka pa sa 3-0-0 ang record sang amo nga nasyon nga nagapanguna sa Group B.
Nag-us-os naman ang Pilipinas sa 1-0-2 ukon may 3 points antes ang final group stage match sini batok sa Malaysia sa Sabado sa Kuala Lumpur.
Makasambuwa naman sang Thailand ang Myanmar.
Pareho ang Malaysia kag Myanmar sa Group B standings nga may 2-0-1 records, ginasundan sang Pilipinas, samtang nataktak naman ang Laos sa semifinal contention.
Duha gid lamang ka teams ang magaabante sa knockout stage.
