Indi pa matapos subong nga tuig ang madugay na nga ginalauman nga kasugtanan sa pag-ayuhay sang Association of Southeast Asian Nations (ASEAN) kag China kaangot sa Code of Conduct (COC) sa West Philippine Sea kag South China Sea.

Isa sa mga upang sa pag-angkon sang final agreement amo ang kakulangan sang tyempo sa pagtalakay sang sensitibo nga topiko kag mabudlay nga pag-resolbar sang problema, sa tunga sang mga pungsod nga nalakip.

Sa ginpatigayon nga 49th ASEAN Summit sa Manila, wala nalab-ot ang tinutuyo sang Pilipinas nga makumpleto ang negosasyon para sa Code of Conduct sa idalom sang liderato sini bilang ASEAN Chair subong nga tuig 2026.

Suno kay Foreign Affairs Secretary Theresa Lazaro, dako na ang nangin progreso sa negosasyon kun sa diin naglab-ot na sa 80% halin sa una nga 50%.

Suno pa sa iya nga ang provisional agreement naglab-ot na sa 80% sang mga draft’s paragraphs, apang nagapabilin sa gihapon nga wala naresolbar ang mga importante nga mga isyu.

Magapadayon naman ang negosasyon sa Singapore nga masunod nga chair para sa ASEAN.