Iloilo City – Ginabantayan subong sa syudad sang Iloilo ang nanuhay- tuhay nga sporting events para sa Dinagyang Festival 2023.
Sa interview sang Bombo Radyo kay Rudiver Jungco Sr., Executive Assistant for Youth and Sports sang Iloilo City Government, iya ginpahayag nga bukas ang tournament sa mga sports enthusiast gikan sa syudad sang Iloilo kag kaiping nga mga probinsya.
Suno kay Jungco, ang mga sporting events ang ginalakipan sang basketball, volleyball, tennis, badminton, boxing, skateboarding, table tennis, arnis, swimming, chess, kag taekwondo.
Ginpahayag sang natungdan nga naka-focus ang asosasyon sa grassroot level agud mapasanyog ang potensyal sang mga atleta.
Ini man ang bangud sa kadalag-an sang syudad sa Batang Pinoy nga isa ka national sports competition sang Disyembre.
Ginalauman ni Jungco nga ini nga hilikuton ang magahatag inspirasyon sa mga atleta nga mangin madinalag-on sa patag sang hinampang.
