Poland – Nangin emosyonal ang pagselebrar sang paskwa sang mga Orthodox Christian nga Ukrainian refugee sa Poland.
Suno kay Bombo Neva Intrepido Kessler, Bombo International Correspondent sa Poland, kalabanan sa mga refugees ang nagtambong lamang sa misa kag wala sang dako gid nga patililipon.
Ginpahayag ni Kessler nga sa iban nga bahin sang Poland, nag-organize ang gobyerno sang panyapon para sa mga Ukrainians agud mabatyagan man nila ang paskwa.
Nahibaluan nga humalin sang nagsugod pag-atake sang Russia sa Ukraine, ginatos ka libo nga mga Ukrainians ang nagpadulong sa Poland.
Ang Orthodox Christmas ang ginapatigayon kada Enero 7 kada tuig bangud ginabasehan nila ang Julian Calendar, kag indi ang Gregorian Calendar.
