Iloilo City – Tatlo ang pilason sang nagsigabong ang opisina sang Regional Explosive Ordinance and Canine Unit sa sulod sang compound sang Iloilo City Police Office.
Ang pilason amo sanday Patrolwoman Shyrine Manuel, Fernando Sabidalas nga lineman sang isa ka telecommunication company kag John Mark Garcia.
Sa interview sang Bombo Radyo kay Police Staff Sergeant Raymond Rafio, Imbestigador sang Iloilo City Police Office 1, iya ginpahayag nga nagapadayon ang imbestigasyon sa gintunaan sang pagsigabong sa opisina.
Gilayon naman nga nagresponder ang Bureau of Fire Protection sa nagluntad nga insidente.
Yara naman sa hilway nga kondisyon ang mga biktima nga nakaagom sang menor nga kapilasan.
