Iloilo District 3rd Representative Lorenz Defensor, ginakonsidera nga mangin venue ang Iloilo sa paghiwat sang legislative inquiry may kaangtanan sa kontroberysal nga Ungka flyover

Iloilo – Ginakonsiderar ni Iloilo 3rd District Representative Lorenz Defensor nga hiwaton sa Iloilo ang ginaduso nga legislative inquiry may kaangtanan sa kontrobersyal nga P680 million nga Ungka Flyover.

Sa interview sang Bombo Radyo kay Defensor, iya ginpahayag nga nagpirma na siya bilang co-author sa House Resolution 721 nga gin-file ni Kabataan Partylist Representative Raoul Manuel nga isa man ka Ilonggo.

Magluwas kay Defensor, nagpirma man bilang co-author sang amo nga resolution si Iloilo 2nd District Representative Michael Gorriceta.

Nagalaum si Defensor nga may yara sang maathag nga sabat nagikan sa Department of Public Works and Highways kag ang kontraktor nga International Builders Corporation sa tion nga matigayon ang pag-imbestigar.

Matandaan nga temporaryo nga ginpasira ang Ungka flyover bangud sa pagbaha kag may nakit-an nga vertical displacement.