Iloilo Provincial Government, mas ginpahapos ang renewal kag ginpadasig ang pag-release sang sweldohanay sa mga job hires

Iloilo – Ginpahapos sang Iloilo Provincial Government ang pag re-hire kag sweldohanay sang mga job hires sang Iloilo Provincial Capitol.

Sa interview sang Bombo Radyo kay Atty. Dennis Ventilacion, Iloilo Provincial Administrator, iya ginpahayag nga ang pagproseso sang sweldohanay sang mga job hires ang kaangay lang man sa mga regular nga empleyado sang gobyerno kun sa diin ginahikutar sang mga payroll clerks.

Suno kay Ventilacion, ginatudlo nga rason sa delayed nga swelduhanay amo ang late nga pagpasa sang daily time records ilabi na sa mga empleyado nga na-assign sa gwa sang opisina.

Nahibaluan nga ang payroll kag voucher sang mga job hires ang ginaproseo sang payroll clerks sa kada opisina kadungan man sang mga regular employees, apang kun may yara sang late nga nagapasa, wala ini gina-impon sa mga on time nga nagpasa agud indi maapektuhan ang iban .

Ginpahayag man sini nga siya ang gintugyanan ni Iloilo Gov. Arthur Defensor Jr. agud mapadasig ang pag-release sang sweldo sang job hires.