Iloilo City – Magapadayon sa biyahe ang mga sakayang pandagat ukon modernized vessels sa Parola Wharf kadungan sang Semana Santa.
Sa interview sang Bombo Radyo kay Commodore Paterno Belarmino, Jr., station commander sang Philippine Caost Guard-Iloilo, iya ginpahayag nga maga-umpisa sa alas 4:00 sa aga tubtob alas 11:00 sa gab-i ang byahe sang sakayang pandagat via Iloilo City-Guimaras and vice versa.
Ini ang base sa gin-issue nga schedule sang Maritime Industry Authority.
Kaangot diri suno kay Belarmino, naka- heightened alert naman ang katapo sang Philippine Coast Guard-Iloilo bilang pagpanghanda sa pagdugok sang mga pasahero sa wharf.
Ginpahayag dugang sang natungdan nga may yara ini sang ipahamtang nga ‘Malasakit Health Desk’ agud magiyahan ang mga pasahero nga padulong sa mga Holy Week destinations kaangay sang Balaan Bukid sa Guimaras Island.
Nahibaluan nga may yara man sang i-deploy nga mga canine units agud mapahugot ang seguridad sa publiko.
