ILOILO CITY – Nadakpan sang mga otoridad sa Iloilo ang tatlo ka mga Indian nationals nga mga miyembro sang terrorist group sa ila pungsod.
Ang mga arestado amo sanday Manpreet Singh, 23; Amritpal Singh, 24; kag Arshdeep Singh, 26 nga nalakip sa Khalistan Tiger Force nga isa ka militante nga grupo sa India sa tinutuyo nga buhion ang terorismo sa Punjab, India.
Nahibaluan nga ang mga arestado ang yara sa Interpol, Red Notice watchlist bangud sa kaso nga murder, paglapas sa Explosive Substance Act of 2001 kag Unlawful Activities Prevention Act of 1967 of India.
Sa interview sang Bombo Radyo kay Police Colonel Joeresty Coronica, director sang Iloilo City Police Office, iya ginpahayag nga madinalag-on nga naaresto ang mga ginaalegar terorista sa gintingob nga pwersa sang Bureau of Immigration, Cybercrime Investigation and Coordinating Center, kag Military Intelligence Group.
Suno kay Coronica, wala na nagbato pa ang mga Indian nationals matapos nga ginsulod sa ginatiniran nga apartment sa boundary sang Oton kag Pavia.
Nahibaluan nga ang operasyon ang resulta sang standing order ni Presidente Ferdinand “Bongbong” Marcos Jr. nga sundan ang mga domestic kag foreign criminal elements sa Pilipinas.
Samtang, ang mga arestado naman ang gindala pabalik sa Manila para sa interrogation kag detention.
