ILOILO CITY – Ginhimo nga inspirasyon sang isa ka seafarer ang kapigaduhon agud malab-ot ang handom sa kabuhi.
Ini matapos nga ginpakanubo kag ginhikayan ini sang mga tawo.
Sa interview sang Bombo Radyo kay Ronaldo Costorio,tumandok sang Bacjawan Sur, Concepcion, Iloilo, iya ginpahayag nga kinahanglan sini nga magsakripisyo pinaagi sa pagsulod sa nanari-sari nga klase sang trabaho agud suportahan ang kaugalingon.
Sa matuod suno kay Costorio, naga-biyahe pa ini sang tricycle agud makatabang sa iban pa nga kinahanglanon.
Dako naman ang pagpasalamat sang natungdan sa tanan nga nagpakanubo sa iya nga nangin rason agud mangin maayo ang kahimtangan sini sa kabuhi.
Sa subong, yara na sa Australia si Costorio sakay sa isa ka cargo ship nga ginakabig niya katumanan sang iya handom kag panugod sang mas masanag pa gid nga palaabuton para sa iya.
