ILOILO – Nagapadayon ang monitoring sang Philippine Army sa hulag sang mga rebelde nga grupo sa Western Visayas, apisar wala sang aktibidad sa bahin sang mga ini kadungan sang Labor Day.
Sa interview sang Bombo Radyo kay Lieutenant Colonel Vicel Jan Garsuta, Chief sang 3rd Division Public Affairs Office sang Philippine Army, iya ginpahayag nga nagaamat-amat na nga nagaluya ang pwersa sang mga rebelde nga grupo sa diin nagapadayon sa gihapon ang mga ini sa pagpalagyo.
Suno kay Garsuta, nakaalerto ang mga otoridad pinaagi pagpakig-angot sa mga ahensya sang gobyerno sa tion nga may engkwentro nga magluntad.
Ginpahayag dugang sang natungdan nga makit-an ang pagnubo sa numero sang mga rebelde bangud sa bulig sang mga pumuluyo nga nagahatag sang impormasyon.
Nagpasalig naman si Garsuta nga tungdan sini ang katungdanan agud magpabilin ang maayo nga panerbisyo sa komunidad nga malayo sa peligro.
