ILOILO CITY – Magapagwa ang Australian government sang kapin $234 million ukon P12.9 billion agud dulaon ang importation sang e-cigarettes kag vape products, magluwas sa mga botika ukon pharmacy nga may prescription.
Ini agud maamat-amat ang pagtapna sang nicotine addicts kag smokers sa Australia.
Ang e-cigarettes ukon vape pens ang isa ka klase sang electronic devices nga may kadakuon sang isa ka pakete sang chewing gum nga lithium battery-powered kun sa diin nagaunod ini sang liquids ukon ‘juice’ nga may nicotine, artificial flavourings, kag chemicals nga ginakabig bilang toxic.
Suno kay Bombo Denmark Suede, international correspondent direkta sa Syndey, Australia, natalana ang paglunsyar sang federal government sang radical campaign sa pagdumili sang vaping sa mga pamatan-on sang Australia.
Ginpahayag dugang sang natungdan nga nalakip man sa ginadumilian sang gobyerno ang tanan nga colourful packaging kag flavours sang vape.
Natalana nga ipatuman ang reforms sa labing madali kun sa diin ginaplantsa na sang Australian government ang nagakaigo nga terms kag regulations sang bag-o nga layi.
