Nagtambong sanday President Ferdinand “Bongbong” Marcos Jr. kag Vice President kag Education Secretary Sara Duterte sa concert sa Malacañang nga nagapasidungog sa Filipino teachers subong nga National Teachers’ Month.
Ang konsyerto nga may tema nga “Konsyerto sa Palasyo: Para sa Mahal Nating mga Guro” ang ginpatigayon sa Kalayaan Grounds bilang pagpakita sang apresasyon sa mga maestro kag maestra, sa ila dedikasyon, kag ila kapisan sa trabaho.
Naka-feature sa amo nga concert ang performances sa patag sang performance art, theatre, rap, singing, kag dancing.
Kaupod ni Marcos ang iya asawa nga si First Lady Liza Araneta-Marcos kag utod nga si Senator Imee Marcos.
Sa idalom sang Proclamation 242 series of 2011, gina-selebrar sa Pilipinas ang National Teachers’ Month halin sa September 5 tubtub sa October 5.
