Ginapanan-aw sang grupo sang mangunguma nga maganubo ang farmgate price sang bombay samtang nga nagahilapit na ang tag-alani sini nga produkto.
Suno sa Federation of Free Farmers (FFF), ang farmgate price subong ang yara sa P50-60 per kilo sa kalabanan nga mga lugar.
Mataas pa ang P60 suno sa grupo, apang sa Marso kag Abril, posible nga magsarurot na ini bangud madamo na ang maga-harvest.
Ginalantaw nga maganubo ini tubtub sa P30 nga daku naman nga problema sa mga mangunguma kun matabo.
Ginalantaw man nga madamo ang naga-harvest sang bombay subong bangud madamo man nga mangunguma ang nagtanum umpisa sang nagsaka ang presyo sang nagligad nga tuig.
Ang Department of Agriculture (DA) ang una na nagsiling nga suspendido anay ang importasyon bangud sa daku pa nga suplay sini sa pungsod.#
