ILOILO CITY- Natalana nga makagwa na sa presuhan si anay Prime Minister Thaksin Shinawatra sang Thailand matapos nga mahatagan ini sang parole.
Nagpamuno si Thaksin sa Thailand sang 2001 tubtob nga napahalin sa pwesto sang 2006 samtang yara sa New York.
Nagbalik siya sa Thailand matapos ang 15 ka tuig nga self-imposed exile sang Agosto 22 kag ginsentensiyahan sang walo ka tuig nga pagkapreso bangud sa mga kaso nga conflict of interest, abuse of power kag kurapsyon.
Suno kay Justice Minister Tawee Sodsong sang Thailand, kalakip si Thaksin sa 930 nga inmates nga nahatagan sang parole subong nga bulan.
Ang 74-anyos nga si Thaksin ay ginparolan bangud nga nalakip ini sa kategorya nga inmates nga may edad 70 pasaka nga may serious chronic illness kag nagserbe na sang masobra sa katunga sang iya sentensya.
