Apisar sang tuman nga init subong nga na-eksperyensyahan sang Iloilo, wala nagakumpyansa ang provincial government kag amat-amat naman nga ginahandaan ang pag-abot sang La Niña season ukon ang sobra-sobra nga pag-ulan nga posible magsugod sa Hunyo.
Sa presentasyon ni Retired Police Colonel Cornelio Salinas, head sang Provincial Disaster Risk Reduction and Management Office, ang mga banwa nga “very highly susceptible” sa pagbaha, pagkatiphag sang duta, kag storm surges amo ang masunod:
- Sa pagbaha (Oton; Leganes; Pavia; Zarraga; Calinog, Pototan; Barotac Nuevo; Duenas; Passi City; Balasan, Carles, Concepcion; kag Estancia)
- Sa landslides (Igbaras, Miag-ao, San Joaquin, Tubungan, Alimodian, Leon, Calinog, Janiuay, Lambunao, Maasin, San Enrique, Ajuy, Barotac Viejo kag Sara)
- Sa storm surge (Guimbal, Miag-ao, San Joaquin, Tigbauan, Oton, Leganes, Zarraga, Anilao, Banate, Barotac Nuevo, Dumangas, Ajuy, Batad, Carles, Estancia, kag San Dionisio)
Sa interview sang Bombo Radyo kay Salinas, iya ginpahayag nga ginapabaskog man sang probinsya ang manpower sini, resources kag logistics.
Sa tion sang kalamidad, daku man ang mabulig sang lima ka patient transport vehicles, tatlo ka multipurpose vehicles, duha ka delivery vans, 42 rescue boats, kag 10 dump trucks sang provincial government.
Mangin si Iloilo Governor Arthur Defensor, Jr. ang nagpabutyag man sang urgency sa preparasyon bangud posible nga magsugod na sa pagsulod ang bagyo sa Pilipinas subong nga Mayo bisan pa sang nagapadayon nga El Niño.#
Freeman Photo
