Nagpaandam ang Police Regional Office (PRO) 6 sa publiko nga ginadumilian gihapon ang iligal nga sugal bisan pa nga yara sa namatyan.
Suno sa PRO-6, ang sin-o man nga madakpan ang mahimo gid nga arestuhon.
Matandaan nga sang damlag lang, gindakop ang isa ka barangay kagawad kag tatlo ka iban pa bangud sa paghampang sang tumbo sa isa ka haya sa Leon.
Suno kay PRO-6 director Brigadier General Randulf Tuaño, mangatubang sang kaso nga paglapas sa Presidential Decree No. 1602, ukon ang Anti-Illegal Gambling Law ang sin-o man nga madakpan nga naga-engage.
Gindugang niya nga ano man nga sahi sang hampang nga may pusta ang ginadumilian gid.
