Ginpaathag ni Ukrainian President Volodymyr Zelensky nga personal gid siya nga nagkadto sa Manila apisar nagapadayon subong ang gyera sa Ukraine bangud para sa iya, importante ang tingog sang mga pungsod sa Southeast Asia lakip na ang Pilipinas.
Ginsiling man sini nga gin-imbitar sini si President Ferdinand Marcos, Jr. nga magpasakop sa Global Peace Summit sa Switzerland sa Hunyo 15 kun sa diin natalana nga istoryahan ang invasion sang Russia sa Ukraine.
Lakip sa namensyonar sini nga importante nga istoryahan sa summit amo ang food security, bilateral relation sa tunga sang Pilipinas kag Ukraine, kag nuclear security.
“[I went here] directly, to invite him to participate [in] this summit, that there will be three very important issues on 15th of June in Switzerland. The first one will be food security. I think it’s also very important in our bilateral relation between us and the Philippines — nuclear security that’s important for all the world, I think too,” pahayag sini sa interview kasunod sang bilateral meeting.
“It was very important directly to invite the President, directly to speak with him about the details [of] what’s going on on the battlefield, what Russia brought with this war to our land, of this crisis, what they think about, and of course, for us it’s very important not to give Russia possibility to influence in Asia, very important region, very important voice of Philippines,” dugang pa sini.
Una na nga gin-tweet ni Zelensky nga nagpasugot si Marcos nga magtambong sa Global Peace Summit, apang wala pa sang official statement nga ginpaguwa ang Presidential Communications Office. Pagkatapos sang bilateral meeting sa Malacañang, liwat nga ginpahayag ni Zelensky nga nagpasalig si Marcos nga magapartisipar sa summit.
“He said that the Philippines will support the summit. I said for us it is important for us [for] him to come. He said he will come and he will participate in the summit. This (is a) great strong signal,” pahayag ni Zelensky.
Ginsapubliko man sang Ukrainian president nga ginsugiran sini si Marcos sa ila paninguha nga kuhaon kag buligan nga makapauli ang 20,000 ka mga kabataan sang Ukraine nga gin-alegar gin-abduct sang Russia sang nagsugod ang invasion.
Naistoryahan man suno sa iya ang expertise sang Ukraine sa cybersecurity kag digitization, humanitarian aid kag ano ang mahimo mabulig sang Pilipinas sa Kyiv kaangay sang pagpadala sang experts sa posttraumatic mental health, kag pagbukas sang embahada sang Ukraine sa Manila subong nga tuig.
