ILOILO CITY- Sa pihak sang maulanon nga tiempo, wala ini nangin upang agud ipakita sang mga Ilonggo ang mainit nga pag-abi-abi kay Miss Eco International Philippines 2025 Alexie Brooks.
Sa iya caravan sa dalanon sang syudad, makit-an ang mga Ilonggo nga nagapalapit sa iya salakyan bisan pa nga nagabubo ang ulan samtang ang iban naman ang nagahulat sa kilid sang dalan.
Sa iya naman homecoming program sa isa ka mall sa Mandurriao, ginpasalamatan ni Brooks ang tanan nga nagsuporta sa iya ilabi na ang Iloilo Festivals Foundation Inc., Iloilo City Government, kag ang Miss Iloilo Organization.
Nagpasalig naman ini nga padayunon ang legasiya nga mahatagan sang bugal ang mga Ilonggo.
Natalana nga itigliwas ni Alexie ang Pilipinas sa Miss Eco International 2025 sa Egypt.
