LOS ANGELES – Isa ka daog na lang ang kinahanglan sang Boston Celtics agud makuha ang kampyonato sa National Basketball Association (NBA) finals.
Subong nga adlaw, gintapos sang Celtics ang Game 3 sa score nga 106-99 batok sa Dallas Mavericks.
Bangud sa kadalag-an sang Celtics, abanse na sila sa best-of-seven championship series, 3-0.
Wala naman nakahampang ang Celtics Center nga si Kristaps Porzingis bangud sa injury nga nakuha sang tinalikdan nga hampang.
Nangin dako nga lyabe sa kadalag-an sang Celtics sanday Jayson Tatum nga may 31 points, Jaylen Brown nga may 30 points kag Derrick White nga may 16 points.
Sa Mavericks, ginkulang naman ang 35 points ni Kyrie Irving kag 27 points ni Luka Dončić.
Sa Sabado, tinguhaan naman sang Mavericks nga makabawi.
