Nagboluntaryo nga magpakalbo ang aktres nga si Ryza Cenon para sa iya palaabuton nga pelikula nga “Lihim” sa idalom sang direksyon ni Mikhail Red.
Suno sa aktres, personal niya ini nga desisyon agud nga mangin epektibo gid ang iya pagdala sa iya papel sa amo nga proyekto.
“Pinaglaban ko talaga ito para maging effective ang portrayal ng role ko…For me, mas okay siya sa karakter ko at nag-look test po kami, hindi ko trip yung prostethics, hindi ko gusto yung hitsura. Parang sabi ko, mas okay kung kalbo talaga. Mas makakatulong siya sa karakter ko,” pahayag sini.
Gindokumento man sini ang iya pagpakalbo sa iya nga latest vlog — istilo nga naapresyar pati sang iya anak.
“Natuwa naman po siya. Ayaw niya sa buhok, actually. Ayaw po niya ng buhok so nandidiri po siya sa buhok. Kaya nung nakita niya po na kalbo ako, tuwang-tuwa siya. Every time na hinahawakan niya ang ulo ko, para siyang kinikiliti, tawa siya nang tawa,” dugang sini nga nagatumod sa iya tatlo ka tuig nga anak nga si Night.
Ginpabutyag man sang 36-anyos nga aktres ang excitement para sa iya bag-o nga movie kag nagalaum siya nga mapilian ini bilang official entry sa 2024 Metro Manila Film Festival sa Disyembre.
Kaupod sini sa proyekto sanday Heaven Peralejo, Eula Valdez, Nicole Omillo, Phoebe Walker, Mon Confiado, Rafa Siguion-Reyna, Gold Aceron, kag Skywalker David.
