PERU – Gintay-og sang magnitude 7.2 nga linog ang southern Peru subong nga Byernes.
Suno sa United States Geological Survey, ini ang may kadalumon nga 28 kilometers.
Nag-igo ini 8 kilometeros sa nakatundan sang Atiquipa kag 600 kilometeros halin sa nabagatnan sang capital sang Peru nga Lima.
Nagpagwa naman ang Pacific Tsunami Warning Center sang posible nga tsunami waves nga ginabanta magataas sang isa tubtob tatlo ka metros sa baybayon sang Peru.
Kaangot sini, nag-isyu man ang Geophysical Institute sang Peru sang tsunami alert nga nagakahulugan nga dapat i-activate sang mga otoridad ang mga protocol agud siguraduhon ang seguridad sang mga pumuluyo bangud sa posible nga tsunami.
Sa subong, nagapadayon pa ang assessment sang mga otoridad sa halit sa mga istruktura kag kun may pilason ukon napatay sa linog.
