Gintawag sang sexy actress nga si Barbie Imperial nga “fake news” ang impormasyon nga nagabusong siya sang ila mangin anak sang hunk actor nga si Richard Gutierrez.
Ginhimo ini sang aktres paagi sa pagpanawagan sa iya fans nga i-“mass report” ang isa ka Facebook page nga Showbizfinds nga nag-alegar nga nag-ako siya nga makaangkon na sila sang aktor sang ila kaugalingon nga baby.
Lunsay kabutigan lang ang gin-post sang amo nga page suno kay Barbie kag ginklaro sini nga wala siya naghambal nga nagadala siya.
Wala naman gin-ako apang wala man gin-deny sang aktres kun matuod nga nobyo na sini si Richard.
Antes sini, nakita sang netizens ang pila ka clue nga may relasyon ang duha bangud pareho ang ila background sa pila ka Instagram photos kag nakit-an pa sa South Korea nga magka-upod.
Matandaan nga antes sini nga espekulasyon, una na nga ginkumpirma sang asawa ni Richard nga si Sarah Lahbati nga bulagay na sila apang wala sang ginhatag nga rason. Ginkasal sanday Sarah kag Richard sang 2020 kag may duha ka mga anak nga sanday Zion kag Kai.
