𝗕𝗜𝗖𝗢𝗟 — Maid-id na nga nagapreparar si Blessie Mae Abagat, singer nga taga-Camaligan, Camarines Sur para sa State of the Nation Address (SONA) ni Presidente Ferdinand Marcos Jr sa Lunes, Hulyo 22.
Si Blessie nagapaidalom sa maid-id nga paghanas agud nga magkanta sang pungsodnon nga ambahanon.
Ang 27-anyos nga singer ang paga-coach sang iya mga trainers halin sa World Championship of Performing Arts (WCOPA) Philippines.
Suno kay Blessie, wala gid niya ginhuna-huna nga siya ang mapilian nga magkanta sang national anthem sa SONA sa atubang sang mga nagapanguna nga lideres sang pungsod.
Nakibot man ini sang gin-message siya ni Miguel isa sa mga provincial directors sang WCOPA Philippines, nga nagsiling nga i-block niya ang July 22 para sa SONA nga wala gilayon nag sink in sa iya nga siya ang napili sa pagkanta sang national anthem para sa SONA ni Presidente Marcos.
Suno kay WCOPA Philippines Creative Director Annie Mercado, ginhingyo ni Undersecretary for Broadcast Production Franz Gerard Imperial si WCOPA Philippines National Director Gerry Mercado nga ihatag ang mga pangalan sang mga gold medalists gikan sa kompetisyon, lakip na si Blessie nga gin-handpick pagkatapos sang maid-id nga pagbinagbinag.
Si Blessie isa ka multi-awarded nga artista nga nagdala sang madamo nga mga medalya gikan sa prestihiyoso nga internasyonal nga kompetisyon.
Lakip sa sini ang 2024 Division Medal Champion para sa Vocal Pop nga kategorya, bulawan nga medalya para sa Vocal Gospel, Vocal Contemporary, Vocal World, kag Vocal Broadway.
Isa man siya ka semifinalist, nga nakakuha sang pilak nga medalya sa kategorya sang Vocal Gospel.
Nagapasalamat naman si Blessie sa iya mga kaupdanan kag mga trainers sa WCOPA sa pagbulig sa iya nga mapilian nga magkanta sa SONA.
Dako man ang pagpasalamat sang natungdan sa iya nga mga coaches bangud sila ang nangin palaagyan agud makita siya kag mapili nga bilang isa ka probinsyana, nagahandum lamang ni nga magperform internationally.
