Patay ang national boxing coach sang Samoa matapos ini nagsuprer sang cardiac arrest samtang yara mismo sa sulod sang Olympic village sa Paris, France.
Ginlista man sang otoridad nga resulta sang “natural causes” ang kamatayon sang biktima nga gin-identify nga si Lionel Fatu Elika, 60.
Sunod man nga ginkumpirma sang Samoa Association of Sport and National Olympic Committee (SASNOC) ang amo nga balita kun sa diin ginlaragway man ang biktima nga isa sa sa top boxing coaches sa Samoa kag nagapati gid sa prinsipyo sang Olympics.
Naghatag naman sang mensahe sang simpatiya ang International Boxing Association sa Samoan boxing community kag mga abyan kag pamilya sang coach kasunod sang amo nga hitabo.
Nahibaluan nga ang heavyweight nga si Ato Plodzicki-Faoagali amo lamang ang isahanon nga Samoan boxer nga naga-compete sa Paris Olympics. Ini nga two-time Pacific Games champion ang magasambuwa batok kay Victor Schelstraete sang Belgium subong nga adlaw, Hulyo 28.
