May duha ka rason ang Italian high jumper nga si Gianmarco Tamberi agud nga indi sini malimtan ang iya papel bilang flag bearer sa opening ceremony sang Paris Olympics — una, isa ini ka daku nga dungog para sa iya; kag ikaduha, nadula niya ang iya wedding ring samtang bitbit ang hayahay.
Sa isa ka Instagram post, ginsiling ni Tamberi nga ang bag-o nga puluy-an sang iya singsing amo na ang Seine River nga amo ang venue sang parada sang mga sakayan kadungan sang seremonya sang Byernes sang gab-i (Sabado sang kaagahon oras sa Pilipinas).
Sa amo nga post, nagpangayo sang pasaylo ang high jumper sa iya asawa nga si Chiara Bontempi. Duha ka tuig na sila nga kasal antes sini nadula ang iya singsing.
“I’m sorry my love, I’m so sorry,” kabahin sang sulat sini. “Too much water, too many kilograms lost over the last few months and maybe the uncontrollable enthusiasm of what we were doing. Probably all three things.”
Ginpahayag sini nga nakit-an pa niya ang iya singsing nga nadanlog sa iya tudlo tubtub nga nag-umpok ini sa sakayan kag dalayon nga nahulog sa suba.
“If it had to happen, if I really had to lose this ring, I couldn’t imagine a better place. It will remain forever on the riverbed in the City of Love,” pahayag sini sa iya asawa.
Nag-suhestiyon pa ini sa iya asawa nga ihulog man ang iya singsing sa River Seine.
“So that they will be together forever and we will have one more excuse to, as you have always asked me, renew our promises and get married again. I love you my love,” dugang sini.
“May it be a good omen for returning home with an even bigger gold!”
Sa baylo nga magpangakig ang asawa, positibo ang nangin reply sini sa iya bana. “Only you could turn this into something romantic,” sabat ni Ciara.
Septyembre 2022 sang nagpakasal sanday Ciara kag Gianmarco.
Antes sini, ang nasambit nga three-time Olympian sang Italya ang nakabulsa man sang gold medal sa Tokyo Games sang 2021. Nangin popular man ini sang nakuha sini ang amo nga medalya bangud nagpasugot ini nga i-share ang high jump first-place medal kaupod kay Mutaz Barshim sang Qatar.#
