Ginpagwa na sang Forbes Asia ang ‘Philippines’ 50 Richest’ list subong nga tuig.
Sa record sang Forbes, nagapanguna sa gihapon ang mag-utod nga Sy bilang pinakamanggaranon sa Pilipinas.
Ang mag-utod nga mga Sy sang SM Group, nga nagatutok sa retail, banking kag property, ang nagnubo ang net worth nga $13 billion gikan sa $14.4 billion.
Sa pinakauna nga tion, nalapawan naman sang ports tycoon kag tag-iya sang MORE Electric and Power Corporation (MORE Power) nga si Enrique Razon, Jr. si real estate tycoon kag anay Senate President Manny Villar sa net worth.
Si Lance Gokongwei kag ang iya mga utod ang wala top 10 list subong bangud naapektuhan ang ila petrochemicals unit kag mahina nga presyuhan sini sa world market, rason nga yara lang sila sa ika-11 nga pwesto.
Nakasulod naman sa listahan ang mag-asawa nga Lucio kag Susan Co sang Puregold sa Top 10 nga pinakamanggaranon.
Pila man sa mga negosyante nga nakasulod sa Philippines’ 50 richest sang Forbes amo sanday Andrew Tan (13th), Dennis Anthony & Maria Grace Uy (19th), Gotianun family (23rd), Betty Ang (24th) kag Frederick Dy (50th).
