𝗠𝗔𝗡𝗜𝗟𝗔 — Tuyo ni Senator Sherwin Gatchalian nga islan ang pila ka mga bahin sang SIM Registration Law kasunod sang malapad nga paggamit sang Subscriber Identity Module (SIM).
Isa sa mga ginahingyo niya nga pagbag-o amo ang paglimitar sang kadamuon sang SIM nga puwede irehistro kada user kag pagregulate sang short message service (SMS) para sa marketing, promosyon, politika, ukon fundraising nga ginapadala paagi sa SIM.
Sunok kay Gatchalian, obligasyon sang gobyerno nga protektahan ang mga wala makabalo ukon mga biktima sang mga fraud nga ginapahamtang sang mga cybercriminals, lakip na ang mga operasyon sang Philippine Offshore Gaming Operations (POGO) nga nagaserbi nga mga scam hubs para sa pagpatigayon sang krimen.
Sa Oktubre 2022, ginpirmahan ang Republic Act 11934, ukon ang SIM Registration Act, nga nagatuyo nga mapunggan ang paggamit sang SIM-related technology sa ilegal ukon scam nga mga aktibidad.
Apisar sini, padayon nga nakit-an ang mga narehistro nga SIMs, cellphones, computers, kag pocket Wi-Fi devices, ilabi na sa mga Philippine offshore gaming operations (POGOs), nga naga-engage sa mga lain-lain nga klase sang online scams, pareho sang love scams kag cryptocurrency scams.
Ginpangayo na ni Gatchalian ang Senado nga imbestigahan ang paggamit sang SIM sa ilegal nga mga POGOs.
Kon madumduman, na-obserbahan si Gatchalian ang gulpiyadad nga pagnubo sang scam text messages matapos ang serye sang mga raid nga ginpatigayon sang kapulisan batok sa ilegal nga POGOs.
Pareho man nga obserbasyon ang ginpahayag ni Sen. Grace Poe pagkatapos sang mando ni Presidente Ferdinand Marcos Jr. sa pagban sa tanan nga POGOs sang nagligad nga bulan.
Apang, gin-raise man ni Gatchalian ang posibilidad nga ang mga POGOs amo ang posible nagapadayon gihapon sa iligal nga paagi bisan pa nga ginpatuman ang total nga ban.
