Ginsabat sang actress kag fashion influencer nga si Heart Evangelista ang mga nag-bash sa iya bangud sa iya pagpasuksok sang kulintas balor P11-million sa iya ido nga si Panda.
Ini nga Serpenti Viper necklace ang nagikan sa koleksyon ang isa ka luxury jewelry brand nga Bulgari.
Nagmuno ang netizens nga wala ginatahod ni Heart ang craftmanship sang popular nga fashion brand bangud gingamit niya ini sa isa ka ido. May mga nagkomento man nga “insecure” lang ang aktres kag nagahimo sang “shade” batok kay Miss Universe 2015 Pia Wurtzbach nga amo ang Philippine brand ambassador sang Bulgari halin sang Hunyo 2024.
Ini bangud indi lipod sa ihibalo sang fans nga nag-angkon sang tensyon ang kampo ni Heart kag Pia matapos nagsaylo ang glam team sang aktres sa beauty-queen-turned-influencer sini lang nga tuig.
Sabat ni Heart sa isa ka Instagram Live, siya ang tag-iya sang kulintas gani pagusto siya sang iya himuon diri.
“I own the necklace, you know. I can do whatever I want, then pull it out. Basically, Panda owns the necklace. So, hindi siya loan. So, she can do whatever she wants with it,” pahayag sang asawa ni Senate President Chiz Escudero.
Nagdepensa man ini nga si Panda ang iya “most spoiled baby girl” gani indi niya mahangpan kun nga pakamalauton pa sang publiko kun pasuksukan man niya ini sang diamonds. Amo gani ini suno sa aktres ang “best person” nga magsuksok sang diamonds bangud nagapangagat ini kun palapitan rason nga indi gid makawatan.
“So, Panda is my most spoiled baby girl. So, I [don’t] understand why people are making it such ano… that I put diamonds on her… Actually, she’s the best person to put diamonds on. You know why? Because she’ll bite you if you go near her. So, hindi puwedeng manakaw. So, sometimes I do that also, I put diamonds on her and that’s fine because hindi siya puwedeng makuha kasi mananakawan kayo ng daliri,” dugang sini.
Rason pa sini, isa ka rescued dog si Panda kag gusto niya nga mag-nami pa gid ang itsura sini, “These are aspins or rescued dogs, they deserve the world… So, we’d like to alleviate their look, and, why not? I mean, siya naman ang totoong tagapagmana.”##
