ILOILO CITY- Makabaton sang salary increase ang regular nga mga empleyado kag mangin ang elective positions sa Iloilo City Hall.
Sa interview sang Bombo Radyo kay Viminale Capulso, City Budget Officer, may 4% nga increase sa sweldo kag magaumpisa ini subong nga Agusto.
Suno kay Capulso, santo ini sa executive order 64 ni President Ferdinand Marcos Jr., nga nagamandu sa pag-update sang salary schedule sang civilian government umpisa subong nga bulan.
Gin-aprubahan ini sang Iloilo City Council kadungan man sa pagpasar sang supplemental budget no. 2 nga yara sa P411.3 million kun sa diin ang napain para sa salary increase sang kapin 2,000 empleyado ang yara sa P19 million.
Gin-athag ni Capulso nga may apat ka tranches ang nasambit nga pagsaka sa sweldo.
