Ginpanginwala sang celebrity couple nga sanday AJ Raval kag Aljur Abrenica nga nakaangkon na sila sang anak.
Pahayag sang 23-anyos nga aktres, nagpahuway siya anay sa show business bangud gin-una niya ang iya nga pagtuon paagi sa Alternative Learning System (ALS) kag indi bangud nagabusong siya.
Diri man kag gintadlong sini ang halos kada tuig na lang nga espekulasyon nga nagadala na siya sang ila anak ni Aljur.
“First of all, hindi po ako taun-taon buntis. Parang yearly na lang po akong buntis,” pahayag sini.
“Siguro po kung mabubuntis man ako ngayon, magalit man ‘yung maraming tao, ako pa rin po ‘yung pinakamasayang tao sa buong mundo.”
Ginkatingala man sang actor ang tsismis.
“’Yung kagabi, nakita ko nga. Sabi ko, ‘Bakit natsi-tsismis na may anak kami? Ang bilis namang lumaki ng bata?!’”
Gin-ako sang duha nga kabahin sang ila plano ang pagtukod sang kaugalingon nga pamilya, apang sa subong ang ila prayoridad amo ang ila karera kag ang duha ka una nga anak ni Aljur sa anay asawa sini nga si Kylie Padilla.
“Yeah, napag-uusapan rin namin. Alam mo si AJ, she’s very supportive, especially pag dating sakin kung paano ko alagaan ‘yung mga bata. Sometimes siya pa nga ‘yung nakakakita ng mga ano, ‘Alam mo ba ganto hilig ng mga anak mo’ kasi minsan hindi ko nakikita,” pagpakigbahin ni Abrenica.
“[Pero] ang focus ngayon ‘yung mga bata. Si AJ, marami pang pweeng mangyari sa career niya,” dugang sini.
Nahibaluan nga nangin sentro na sang pregnancy rumors si AJ halin sang ginkumpirma ang ila relasyon sang 2022.
Una nga gin-alegar nga si AJ ang nangin rason sa separasyon nanday Kylie kag Aljur, apang ginklaro ni Kylie sang Marso 2023 nga indi mistress si AJ kag naghingyo man ini sa publiko nga likawan ang pag-bash sa young actress.
