Ginpalawig sang Court of Appeals (CA) ang freeze order nga ginpagwa sini batok sa mga bank accounts kag real properties nga narehistro sa ngalan ni Pastor Apollo Quiboloy kag sang iya Kingdom of Jesus Christ (KOJC) church.
Ang Anti-Money Laundering Council nagsiling nga ang freeze order ginpalawig tubtob Pebrero 6, 2025, kon sa diin, ang freeze order nagasakop man sang media network nga Sonshine Media Network International subong man sang isa ka foundation para sa mga kabataan nga iya sang KOJC.
Nagmando man sang resolusyon ang CA sang pagpalawig ginpetsahan sang Agosto 20, kon sa diin, ang orihinal nga freeze order nga napetsahan sang Agosto 6, 2024 validlamang sa sulod sang 20 ka adlaw.
Nahibaluan nga ang freeze order extension sang CA ang gnkumpirmar sang abogado sang KOJC nga si Dinah Tolentino-Fuentes.
Si Quiboloy nga ginakabig sang gobyerno nga isa ka fugitive ang nagapanago humalin pa sang Abril matapos ginpaguwa sang mga korte sa Davao City kag Pasig ang warrant of arrest batok sa iya kag sa iban pa bangud sa kaso sang trafficking kag abuse.
Ang iya mga abogado naga-claim nga ang mga akusasyon batok sa pastor ang gin-recycle kag ginhimo sang mga diskontento nga mga anay katapo sang KOJC.
Gin-claim man sang mga abogado ni Quiboloy nga wala sang ebidensya nga ang gobyerno kag ang US nagakunsabo batok sa iya kag nga yara siya sa idalom sang pamahog sang “extraordinary rendition” — kag state-backed kidnapping.
Si Quiboloy yara man sa listahan sang mga ginapangita sang Federal Bureau of Investigation (FBI) sa Estados Unidos tungod sa iya ginaalegar nga partisipasyon sa isa ka labor trafficking scheme nga nagdala sang mga katapo sang simbahan sa Estados Unidos paagi sa malimbungon nga nakuha nga mga visa.
Makapila na ka beses nga gintinguhaan sang Philippine National Police (PNP) nga magserbe sang mga warrant kay Quiboloy, apang ang mga katapo sang KOJC naga-rally batok sa sini nga mga pagtinguha, nga nagasiling nga ang administrasyon ni Presidente Ferdinand Marcos Jr. ang naga-persecute sa pastor bangud malapit ini sa pamilya Duterte.
