Naggradwar sang iya Master’s Degree sa Public Administration sa World Citi College ang host nga si Jhong Hilario.
Kaupod sang iya iloy, asawa, kag anak nga babayi, proud nga nagmartsa si Hilario kag nagbaton sang iya diploma gikan sa iya alma mater sa tion sang commencement exercises nga ginhiwat sa PICC Plenary Hall.
Si Jhong ang nalipay gid pagkatapos nga makuha ang “highest merits” para sa iya master program.
Siling niya, bonus na ini sa iya nga paggradwar sa masters.
Ginpahayag man ni Jhong nga ang time management ang yabi — ang pag-juggling sang iya schedule halin sa pagka-konsehal sa Makati City, pag-host sang mga katungdanan sa noontime show kag pagka-amay, asawa, kag estudyante — tanan sa amo man nga tion.
Apang sang ginpamangkot si Jhong ko ngaa importante nga matapos ang iya Master’s?
Ini ang gin-explain ni Jhong, bangud suno sa iya, indi mapakot kon tubtob san-o siya nga mangin artista kag mas makapamaayo para sa iya nga magtuon bangud ang pag-artista ang may kataposan.
Apang ginklaro man sang actor-host nga wala siya nagatinguha nga mag-eskwela para sa mas mataas nga posisyon sa masunod nga eleksyon.
