Nalakip sanday Robert Jaworski, Coach Tim Cone, kag coaching staff sang Meralco Bolts sa pasidunggan sang PBA Press Corps sa annual awards night subong nga adlaw, Septyembre 24.
Ginakabig si Jaworski nga isa sa icons sa liga kag pagahatagan sang Lifetime Achievement Award.
Sa iya karera sa Pilipinas, si ‘Big J’ ang nangin Most Valuable Player sang 1978, nakadaog sang 13 titles, kag nalakipsa 25 Greatest Players of All-Time sang PBA kag na-induct sa 2005 Hall of Fame.
Sa pihak nga bahin, si Coach Tim sang Gilas Pilipinas ang hatagan naman sang President’s Award bangud sa dalagku nga kadalag-an sang national team lakip na ang upset batok sa Latvia sa FIBA Olympic Qualifying Tournament kun sa diin daog ang Pilipinas sa pagpanguna ni Justin Brownlee, 89-80.
Sa pihak nga bahin, magabaton ang Meralco coaching staff sang Baby Dalupan Coach of the Year Award bangud sa pagtib-ong sa Bolts sa Philippine Cup title batok sa San Miguel Beermen.
Ang amo nga titulo amo ang labing-una para sa ila nga prangkisa. Ini man ang una nga tion nga hatagan sang pagkilala ang bilog gid nga coaching staff.
Lakip sa iban nga awardees amo sanday Alfrancis Chua (Danny Floro Executive of the Year), Cliff Hodge (Defensive Player of the Year), Ian Sangalang kag LA Tenorio (Comeback Player of the Year), kag Bong Quinto (Mr. Quality Minutes).
