Matapos ang kamatayon sang anay PBA star nga si PJ Simon sa edad nga 46, nagpalab-ot sang kasubo kag pagpakiunong ang basketball community sa nabilin nga pamilya sang basketball player.
Kilala bilang “Scoring Apostle,” si PJ kag nangin importante man ini nga kabahin sang Purefoods franchise matapos sini ginbuligan ang team nga makuha ang walo ka kampeonato sa PBA.
Lakip sa ila nangin kadalag-an amo ang Grand slam sadtong tuig 2014 kaupod sanday James Yap kag Marc Pingris.
Sa social media ni Yap, nagpalab-ot ini sang pagpakig-unong sa pamilya ni PJ kag pagpasalamat sini sa kabuhi sang iya nga abyan sa sulod kag sagwa sang basketball court.
Nakig-unong man si Mark Barroca nga abyan ni PJ nga suno pa sa iya wala gid sini gin-ekspektar nga madula ini bangud man sa disiplina sini sa pag-atipan sang iya nga ikaayong lawas.
Suno naman sa mga team kag anay nangin kasumpong ni PJ sa sulod sang basketball court, magapabilin ang tanan nga memorya ni PJ sa basketball community kag ila gid dumdomon ang iya nga kaayo, dedikasyon kag pagka-competitive, amo man ang dako sini nga kontribusyon sa kasaysayan sang Philippine Basketball Association.














