Gin-akusaran ni Vice President Sara Duterte ang Philippine National Police nga nagaserbe nga ”enforcement arm” ukon nagapatuman sang kagustuhan sang mga politiko sa baylo nga mangin patas kag independent institution.
Ginkwestyon man ni Duterte ang pahayag ni PNP Chief General Jose Melencio Nartatez Jr. nga wala sang natabo nga rescue operation sa iya lima ka anay tinawo bangud wala nagpatigayon sang madalom nga imbestigasyon ang kapulisan.
Suno sa bise presidente, indi lamang siya kag ang iban pa nga nalakip ang iya ginkwestyon agud mahibaluan ang kabug-usan nga natabo antes magpagwa sang konklusyon ang Philippine National Police.
Ginpahayag man niya nga may ara siya sang indi sa magnubo nga lima ka dokumented incident sang gina-alegar pagpamahog sang mga kapulisan batok sa iya, sa iya nga pamilya kag sa mga tinawo sini sa Office of the Vice President.
Samtang, ginpunto sang PNP nga boluntaryo nga naghalin ang lima ka anay tinawo sini kag wala sila ginpunggan batok sa ila nga kagustuhan.
Bangud sini, ginatun-an naman sang National Bureau of Investigation ang pagpatigayon sang motu proprio investigation agud mahibaluan kun may natabo nga krimen kaangay sang kidnapping, coercion kag perjury.














