Ginalauman nga mangin temprano pa ang training ni Kai Sotto para sa iya nga preparasyon para sa Gilas Pilipinas para sa fifth window sang Fiba World Cup 2027 Asian Qualifiers sa Seremban, Malaysia.
Suno kay Gilas head coach Tim Cone, ginalauman nga maga-abot si Sotto sa Nomber 19 ukon 20 kag maga-upod sa team padulong sa Malaysia sa November 21 para sa ila nga training camp.
Nakatalana man nga atubangon sang Gilas Pilipinas ang Syria kag Iran sa nasambit nga qualifying window.
Suno kay Sotto may ara sang kakulba para sa iya matapos ang pila ka beses sini nga pag-absent sa hampang sang iya Japanese team nga Altiri Chiba bangud sa indi mayo nga physical conditions sini.
Nahiabaluan nga nakabalik na sa hampang si Sotto kag nakakuha sang 24 minutes playing time sa iya nga ulihi nga hampang para sa Altiri.
Suno kay Cone, tuyo man ni Sotto nga malakip sa team, gani ginalauman nila nga maahampang ini sa nagahilapit nga qualifiers magluas lamang kun maya ara ang indi mayos nga sitwasyon.
