Napaslawan ang Gilas Pilipinas matapos ini mapierde sang South Korea sa score nga 69-42 sa Hana Bank Invitational sa Suwon, South Korea.
Ini na ang ikaduha nga sunod nga pierde sang Gilas sa torneo batok sa South Korea.
Naka-abanse liwat ang South Korea matapos maka-score sang 19 points sa una nga quarter tubtob nga naglab-ot na ini sa 30 points.
Samtang nakaangkon naman sang right ankle sprain si Arana sa second quarter kag wala na nakabalik sa hampang.
Nagalaom ang Gilas nga makabawi bag-o ang ila una nga hampang sa Asian Games batok sa Bahrain sa Setyembre 11.
