Gintuad ni Ombudsman Jesus Crispin Remulla nga may posibilidad nga magadangat sa isa ka tuig ang kaso nga ginapangatubang ni anay House Speaker Martin Romualdez kaangot sa ginapahayag ₱7.44 bilyon nga flood control scam.
Ini kasunod sa pag-surrender ni Felicito Guevarra, presidente sang Samchan Foreign Exchange Corp. kag kaupod nga akusado nanday Romualdez kag anay Ako Bicol Representative Zaldy Co, sa National Bureau of Investigation (NBI).
Suno sa Remulla, ginbalik ni Guevarra ang ginabanta 324 milyon pesos nga ginapahayag naghalin sa mga komisyon sa mga transaksyon kag nagpasugot nga mangin witness matapos magpirma sa immunity agreement.
Ginalauman sang Ombudsman nga makabulig ang iya nga testimoniya kag mga ebidensya nga nakuha agud nga mapadasig ang trial kag malikawan ang anuman nga tactics sang pagpahinay sang kaso.
Ginpahayag man ni Remulla nga handa na sila nga ipresentar ang ila nga nagapanguna nga ebidensya agud gilayon nga matapos ang proseso, kumpara sa mga kaso nga naglab-ot sadto sang 15 ka tuig.
Padayon naman nga ginapanginwala ni Romualdez kag Co ang mga alegayson nga may corruption sa mga infrastructure projects.














