Nagpatigayon sang ocular inspection ang Sandiganbayan Third Divison sa New Quezon City Jail-Male Dormitory kun sa diin naka-detaine si anay House Speaker nga si Martin Romualdez.
Tinutuyo sang inspection nga siguraduhon kun nasunod ang mga kondisyon sa commitment order sang korte kag kun maayo nga ipatuman ang mga proseso sa pasilidad.
Ini ang kasunod sang alegasyon sang columnist nga si Ramon Tulfo nga nagagwa-sulod sa presuhan si Romualdez gamit ang ambulansya apang ginbawi na sini ang nasambit nga pahayag.
Sa ginpatigayon nga hearing, nadiskobrehan sang korte nga may ara sang personal aide si Romuladez nga naka-duty kag handa nga magbulig sa iya 24 hours kada adlaw para sa iya nga medical needs.
Gin-athag sang Sandiganbayan nga wala nagakahulugan ang inspeksyon nga may nakita nga iregularidad ukon may nadesisyunan na nahanungod sa mga alegasyon.
Samtang, ginpahayag ni Ombudsman Jesus Crispin Remulla nga magapatigayon man siya sang surprise visit sa nasambit nga presuhan matapos mahibaluan nga may staff si Romuladez sa sulod sang pasilidad.
