Nagpaandam si Ombudsman Jesus Crispin Remulla nahanungod sa ginapahayag nga pagpang-abuso nga nagakatabo sa sulod sang Bureau of Internal Revenue (BIR).
Inio kasunod sang reklamo nga ginpakigbahin sa ila sang pila ka business leaders nahanungod sa pagpabayad sang buwis kag pagproseso sang mga permit.
Ginaplanuhan na subong ang mangin tikang sa pagbuhi liwat sa Investment Ombudsman kag ang mga problema nga ginapangatubang sang mga negosyante sa ila nga pagtransaksiyon sa BIR.
Ginpunto ni Remulla ang sistema nga 70-30 sa sulod sang ahensya, kun sa diin suno sa iya nga 70% ang nagakadto sa BIR kag 30% lamang ang sa pungsod.
Gindugang man ni Remulla ang ginapahayag nga pag-abuso sa paggamit sang Letters of Authority nga ginagamit sang BIR sa pagpatuman sang audit sa mga negosyo kag sa indibidwal.
Sa matandaan nga sang bulan sang Nobyembre 2025, ginsuspinde sang BIR ang pag-isyu sang Letters of Authority kasunod sang mga alegasyon nga ginagamit ang mga dokumento sa ilegal.
Nagtukod man sadto sang technical working group agud nga may magpanguna sa mga pagbag-o sa sistema.
