Iga-turn over na sang prosecution panel sa Office of the Ombudsman ang ginakabig nila nga mga ebidensya batok kay Vice President Sara Duterte sa nagapadayon nga imbestigasyon kaangot sa posible nga kaso batok sa bise presidente.
Nalakip diri amo ang mga ebidensya para sa Article 1 ukon confidential funds, Article 3 ukon bribery, kag Article 4 sa grave threats.
Ini amo ang mga Articles of Impeachment nga ginwithdraw sang prosekusyon sa ika-39 nga adlaw sang impeachment proceedings.
Kasunod man ini sang panawagan ni Ombudsman Jesus Crispin Remulla nga isumite ang mga dokumento kag rekord kaangot sa ginakuwestiyon nga paggamit sang confidential funds sang bise presidente.
Suno kay Remulla, luyag nila ini nga imbestigaran matapos nga ginbasura sang Commission on Audit (COA) ang motion for reconsideration sang kampo ni Duterte kaangot sa “disallowance sang P73 Million confidential expenses sang OVP sang 2022.
Nahibaluan man nga ginklaro ni House Prosecutor Rep. Joel Chua nga ang pagbawi sang pila ka article sa articles of impeachment ang wala nagabuot-silingon nga wala sila sang nagakaigo nga ebidensya nga may ginlapas si VP Sara sa paggamit sang pondo sang pungsod.
