Naglab-ot sa kapin ₱238,000 ang ginabulubanta nga balor sang halit matapos nasunog ang isa ka abandonado nga balay sa Barangay Airport, Mandurriao, Iloilo City, gab-i sang Oktubre 18, 2026.
Sa interview sang Bombo Radyo kay Fire Officer 1 Pasion, Officer-in-Charge sang Bureau of Fire Protection (BFP) Iloilo City Fire Station, ginpaathag ang mga detalye may kaangtanan sa insidente.
Ini nga nasunog nga balay ginapatihan nga ginapanag-iyahan sang pamilya Buñi kag himo halin sa light materials.
Dugang, madugay na nga wala may nagaistar sa nasunog nga puluy-an.
Padayon pa ang imbestigasyon sang BFP Iloilo City agud mahibaluan ang gintunaan sang kalayo.
Text by: Bombo Jay Panizales
