Magaduso si Senator Erwin Tulfo sang hagna agud nga mas maprotektahan ang mga Persons with Disabilities (PWDs), senior citizens kag Indigenous People (IPs).
Kasunod ini sang nangin kontrobersyal nga podcast episode sang “Machong Chismisan” kun sa diin ginyaguta kag gintawag nga “walang kwenta” ang bata ni Kris Aquino nga si Josh.
Sa ginpatigayon nga hearing sang Committee on Social Justice, Welfare and Rural Development subong nga Lunes, Oktubre 19, ginpahayag ni Tulfo nga wala dapat ginaubra nga ‘punch line’ ang kondisyon sang mga PWD.
“The recent controversy involving the Machong Chismisan podcast and its remark about Josh Aquino is a reminder that discrimination against persons with disabilities remains a serious concern,” suno kay Tulfo.
Suno sa senador makabig nga krimen ang pagpang-bully sa mga mga PWD, senior citizen kag IP sa bisan ano nga pamaagi.
Kaangot diri, ginaduso man niya ang lifetime validity sang mga ID sa mga indibidwal nga may permanente nga sakit.
