Ginturn-over na sa Municipal Social Welfare and Development Office (MSWDO) sa banwa sang Carles ang duha ka menor de edad nga nakabunggo patay sa isa ka senior citizen sa banwa sang Carles sang nag ligad nga Nobyembre 4.
Sa interview sang bombo radyo kay Police Major Karl Jerome Tingala ang hepe Carles police station, iya gin pahayag nga nabungguan sang motorsiklo ang senior citizen nga nagatabok sa dalan sa barangay abong Carles pasado 7:30 sang gab I.
Ang biktima ang gin kilala kay Veronica Fajemos 63 anyos kag residente sang Bakhaw Mandurriao.
Ang motorsiklo nga nakabunggo ang gina maneho ni alyas John 16 anyos kag angkas sini si alyas Paul 16 anyos, lunsay residente sang barangay Tarong Carles.
Ginpahayag ni Major Tingala nga nagatabok sa kalsada ang biktima, kag ang motorsiklo naman ang nag overtake sa truck sa atubang sini kag didto natabo ang aksidente
Dugang niya nga gilayon nga nag responde ang Carles MDRRMO kag gin dala sa Jesus Colmenares District Hospital ang biktima apang gin deklarar ini nga dead on arrival.
Ang mga menor de edad ang nakaagom sang minor injuries, kag ara na sa paghinakop sang MSWDO sa banwa sang Carles, kag ginahulat pa ang desisyon sang pamilya sang biktima kung ma file ang mga ini sang kaso.
Suno kay Tingala nga base sa pamilya sang biktima, Nobyembre 1 lang sang nag padulong sa Barangay Abong ang biktima agud nga mag du-aw sa iya bana kag nakatalana na kuntani nga mag pauli sa Mandurriao subong nga Nobyembre 5.
By: Bombo Ireca Pioquinto
