Ginalauman sang Iloilo City Traffic and Transportation Management Office (ICTTMO) nga ma-draft na sang City Council ang Traffic Deputization Program sa mga barangay.
Sa interview sang Bombo Radyo kay ICTTMO Head Ret. PCOL. Uldarico Garbanzo, iya ginpahayag nga ang pag-deputize sang ICTTMO sa mga opisyales sang mga barangay ang makabulig agud maka-monitor sang traffic situation sa ila designated area of responsibility.
Suno sa iya, kun ma-deputize ang mga barangay officials, makasita sila kag mag-issue sang traffic citation ticket sa mga violators.
Dugang niya, ini agud makapatigayon man sang clearing operations ang mga barangay officials agud masolusyunan ang mga problema sa dalanon.
Gin-athag naman ni Garbanzos nga wala nila ginapasa ang responsibilidad sa mga barangay officials kundi gusto lamang nila nga mahatagan man sang gahom ang brgy. officials.
