Naglab-ot na sa 15 na ka mga dengue cases ang na-rekord sa Brgy. Hinactacan La Paz, Iloilo City sa sulod sang isa ka bulan.
Sa interview sang Bombo Radyo kay Barangay Kagawad Rodante Juele sang Committee on Health sa amo nga barangay, iya ginpahayag nga halos mga kabataan ang apektado sang amo nga mga kaso.
Dugang pa niya, sa sini nga mga kaso, naka-recover ang anum ka nagdululungan nga mga indibidwal samtang duha man ang nakaguwa pagkatapos gin-admit, kag may isa nga gindala sa ospital bangud sang paglala sang kondisyon.
Subong, may duha na naman ka aktibo nga kaso sang amo nga balatian.
Suno kay Juele, nagpatigayon ang City Government sang tikang agud malikawan ang sakit nga dala sang lamok paagi sa misting kag fogging.
Sa bahin naman sang barangay council, ginapatigayon man ang weekly clean up drive agud matapna ang mga lamok sa palibot.
