Ginalantaw nga isa sa mga daku nga rason sang pag-atras sang mga investors sa siyudad sang Iloilo ang inflation kag ang fuel imports.
Kabahin ini sang naistoryahan sa “Philippine Economic and Investment Briefing” sa Iloilo nga gintambungan sang Bangko Sentral ng Pilipinas, Department of Economy, Planning, and Development (DepDev), kag iban pa.
Suno kay Sandra Marie Recolizado, Director sang Board of Investments, nagakinahanglan na ini sang short and long term solution.
Suno kay Recolizado, ang paggamit sang renewable energy ang isa sa nagakaangay nga solusyon kun sa diin dapat pasangkaron ang sources sini.
Ginpangabay ni Recolizado nga kuntani igaduso ang local production sang mga salakyan, ilabi na ang mga electric vehicles sa baylo sang mga fuel-powered vehicles.
Ginpanawagan man ni Recolizado nga dapat siguruhon sang local government nga manami kag matawhay ang eksperyensya sang mga negosyante sa Iloilo.
