Ginalantaw sang Bangko Sentral ng Pilipinas (BSP) nga magalab-ot ang inflation sang Pilipinas sa Mayo 2026 sa pinakamadasig nga lebel sa sulod sang halos apat ka tuig.
Sa inflation forecast nga ginpaguwa subong nga Sabado, ginpahayag sang central bank nga posible magtupa ang inflation print sa range sang 7.1% tubtub sa 7.9%.
Pananglitan matabo ini, ini ang pinakamadasig nga inflation halin sang Nobyembre 2022 kun sa diin naglab-ot ang inflation rate sa 8%.
Suno sa central bank, ang posible nga mangin factor sang pagsaka sang price pressures amo ang pagsaka sang presyo sang bugas, ulutanon, kag karne, amo man ang padayon nga pagluya sang balor sang Philippine Peso.
Mahimo man mag-offset sang prevailing upside price pressures ang daku nga rollback sa presyo sang gatong, ang manubo nga presyo sang isda, kag ang pagnubo-gamay sang balayran sa kuryente.
Natalana nga ipagwa sang Philippine Statistics Authority (PSA) ang official inflation figures para sa Mayo sa Hunyo 5, 2026.
